عراااقيات

(1)     (( أجراح فوق أجراح))

منو يادنيا مرتاح

هذا عاشق يون

وذاك المال منه راح

وكلمن يشيل بقلبه أجراح

منهو يادنيا مرتاح

أطفال تنسى الفرح

وبوجهها موجها أسلاح

منهو يادنيا مرتاح

أجراح فوق أجراح

وسفن ضيعتها أرياح

وحشة هال دنيا

كلها حزن ماكو أفراح

وحشة يادنيا

العشق صار ملحة وإرباح

منهو يادنيا مرتاح

(2)   (( من علمك من دلاك))

ربيتك بقلبي سنين

وارويتك بدمعاتي

أشعلت لك بحشاي شمعتين

واضويتهم بآهاتي

خسارة ضاعت اسنيني وياك

خسارة انطفت أشموعي بجفاك

تقطع أوراق الورد

وتتصور أيعود

ومذبل الغصن بيهن

مايخضر بعد ولا يرد أردود

موت حسرة وقهر

وشوف بعينك شيسوي السهر

خسارة ضاعت اسنيني وياك

خسارة انطفت أشموعي من أجفاك

شلون أقدرت عالهجر

واشلون أعرفت الغدر

من علمك من دلاك

من علمك من دلاك

(3)  ((خذني لمزهريتك ورد))

أنا لقبلك العطشان مطر

وأنا سماك الزرقا الصافية

أنا حكاوي ليك الماضية

وأغانيك القديمة الدافية

احبك ورد وزهر

وأغصان مايله  أو واقفة

احبك نهر وبحر

وموجة بحر هايجة

خذني حبيبي لصيفك برد

وخذني حبيبي لمزهريتك ورد

ابن الفرات/ الناصر كربلاء2002